LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں

Web Desk

19 November 2026

معروف گلوکارہ شازیہ منظور نے اپنے گھر پر مبینہ مسلح افراد کے حملے، قبضے کی کوشش اور جان سے مارنے کی دھمکیاں دینے کے الزام میں تھانہ ملت پارک میں باضابطہ تحریری درخواست جمع کروا دی ہے۔

گلوکارہ نے درخواست میں الزام عائد کیا ہے کہ نعمان اور اس کے دیگر مسلح ساتھیوں نے اسلحے کے زور پر ان کے گھر پر قبضے کی کوشش کی اور انہیں زبردستی دستاویزات پر دستخط کروانے کے لیے شدید دباؤ ڈالا۔ شازیہ منظور نے اپنے وکیل ایڈووکیٹ فیاض رامے کے توسط سے پولیس کو واقعے سے آگاہ کرتے ہوئے گھر پر مبینہ حملے کی سی سی ٹی وی فوٹیج کو اہم ثبوت قرار دیا ہے اور پولیس سے فوری تحفظ فراہم کرنے سمیت ملزمان کے خلاف سخت قانونی کارروائی کا مطالبہ کیا ہے۔

دوسری جانب گلوکارہ شازیہ منظور کا ایک ویڈیو بیان بھی سامنے آ گیا ہے، جس میں انہوں نے انکشاف کیا کہ ان کی پراپرٹی کے معاملے پر ان کے سابق منیجر کے ساتھ عدالت میں مقدمہ چل رہا ہے، جبکہ منیجر نواز کے بیٹے انہیں فون پر جان سے مارنے کی دھمکیاں دیتے ہیں۔

شازیہ منظور کا کہنا تھا کہ ملزمان ان کے گھر میں داخل ہوئے اور اسلحے کے زور پر ان سے دستاویزات پر دستخط کروائے۔ انہوں نے وزیراعلیٰ پنجاب مریم نواز سے اپیل کی کہ انہیں فوری تحفظ فراہم کیا جائے اور اس معاملے میں انصاف دلایا جائے، جبکہ پولیس حکام سے بھی مطالبہ کیا کہ واقعے کی شفاف تحقیقات کر کے ذمہ داروں کو قانون کے کٹہرے میں لایا جائے۔