LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
وزیراعلیٰ پنجاب نے صوبے میں پنچائیت نظام کی اصولی منظوری دیدی میڈ اِن رشیا فورم میں شریک پاکستانی تجارتی وفد کے اعزاز میں سفیر پاکستان کا خصوصی عشائیہ تفصیلی مذاکرات کیلئے وقت نہیں، پوتن اور ٹرمپ کے درمیان ملاقات مختصر ہوگی: کریملن معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک ریفرنڈم کوئی غیر آئینی مطالبہ نہیں جمہوری راستہ ہے: طارق فضل چوہدری پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان محمود خان اچکزئی سے راجہ ناصر عباس اور مصطفیٰ نواز کھوکھر کی ملاقات وزارت خارجہ میں گندھارا سٹریٹجک ڈائیلاگ کا آغاز، آٹھ ایشیائی ممالک کے وفود شریک فضائی آلودگی، لاہور دنیا بھر میں دوسرے جبکہ کراچی ساتویں نمبر پر حکومت نے پٹرولیم مصنوعات کی قیمتوں میں مزید کمی کردی امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار اسلام آباد میں مکان سے بھاری مقدار میں حرام جانوروں کا گوشت برآمد، مقدمہ درج سسٹم ری سیٹ پر یہ سوال اٹھایا، نظام کی تباہی شروع کہاں سے ہوئی؟ بلاول بھٹو نوازشریف اور مریم نواز دو روزہ دورے پر وادیٔ نیلم پہنچ گئے عالمی سب میرین کیبل میں خرابی: پاکستان میں بھی انٹرنیٹ صارفین متاثر

وزیراعلیٰ پنجاب نے صوبے میں پنچائیت نظام کی اصولی منظوری دیدی

Web Desk

18 November 2026

وزیراعلیٰ پنجاب مریم نواز شریف نے صوبے بھر میں عوام کو فوری اور سستا انصاف فراہم کرنے کے لیے ’’پنچائیت نظام‘‘ کی اصولی منظوری دے دی ہے، جبکہ اس پروگرام کے نفاذ کے لیے جامع رولز اور پالیسی گائیڈ لائنز بھی طلب کر لی ہیں۔

وزیراعلیٰ پنجاب مریم نواز کی زیرِ صدارت ایک اہم اجلاس منعقد ہوا جس میں صوبے میں پنچائیتی نظام کے قیام کی باضابطہ اور اصولی منظوری دی گئی۔ اجلاس کو دی جانے والی بریفنگ میں بتایا گیا کہ یونین کونسل، موضع، علاقے اور گاؤں کی سطح پر بااختیار پنچائیت کمیٹیاں تشکیل دی جائیں گی، جن میں مقامی مستقل رہائشی، نمبردار، اساتذہ، ریٹائرڈ جج، ریٹائرڈ فوجی افسران اور ریٹائرڈ سول سرونٹس بطور رکن شامل ہوں گے۔

وزیراعلیٰ پنجاب نے متعلقہ حکام کو ہدایت کی کہ پنچائیت پروگرام کو مؤثر بنانے کے لیے اس کے رولز، پالیسی گائیڈ لائنز اور ضوابط پر مشتمل جامع پلان جلد از جلد پیش کیا جائے۔

اجلاس سے خطاب کرتے ہوئے مریم نواز کا کہنا تھا کہ حکومت عوام کو نچلی سطح پر اختیارات میں حقیقی شراکت دار بنانا چاہتی ہے اور مقامی تنازعات کو قانونی فریم ورک کے اندر غیر رسمی طریقے سے حل کرنے کے لیے ’’پنجاب پنچائیت ایکٹ‘‘ متعارف کرایا جا رہا ہے، جس کے تحت عوام کو اپنے فیصلے خود کرنے کا اختیار حاصل ہوگا۔

وزیراعلیٰ نے مزید کہا کہ پنچائیت نظام کے قیام سے عدالتوں پر زیرِ التوا مقدمات کا بوجھ نمایاں طور پر کم ہوگا اور شہریوں کو دہلیز پر فوری و سستا انصاف میسر آ سکے گا۔ ان کا کہنا تھا کہ باہمی اختلافات اور چھوٹے تنازعات کو حل کرنے کے لیے عدالت ہی پہلا فورم نہیں ہونی چاہیے بلکہ پنچائیت کو بھی ایک مؤثر اور قابلِ اعتماد فورم کے طور پر فعال ہونا چاہیے۔