LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات

بلاول کو وزیراعظم بنتا دیکھ رہی ہوں، فریال تالپور

Web Desk

17 November 2026

پاکستان پیپلز پارٹی (پی پی پی) کی مرکزی رہنما فریال تالپور نے کہا ہے کہ وہ پارٹی چیئرمین بلاول بھٹو زرداری کو مستقبل میں پاکستان کا وزیراعظم بنتا دیکھ رہی ہیں، تاہم اس مقصد کے حصول کے لیے جماعت کو پنجاب میں اپنی کھوئی ہوئی سیاسی جگہ دوبارہ حاصل کرنا ہوگی۔

لاہور میں میڈیا اور پارٹی رہنماؤں سے گفتگو کرتے ہوئے فریال تالپور کا کہنا تھا کہ پنجاب میں آج بھی پیپلز پارٹی کے لیے بھرپور سیاسی گنجائش موجود ہے اور صوبے کے عوام پیپلز پارٹی سے والہانہ محبت کرتے ہیں۔ انہوں نے اس بات پر زور دیا کہ سیاسی جماعتیں محض شخصیات اور ہیروز کے سہارے طویل عرصے تک نہیں چل سکتیں، بلکہ کامیابی کے لیے مضبوط تنظیمی ڈھانچے کی تشکیل اور کارکنوں کی انتھک محنت پر خصوصی توجہ دینا ہوگی۔

فریال تالپور نے کہا کہ نوجوان نسل کو فعال سیاسی عمل میں شامل کرنا اور پارٹی کے اندر رضاکارانہ نظام کو فروغ دینا وقت کی اہم ضرورت ہے۔ انہوں نے مزید کہا کہ وہ فی الحال انتخابی نشستوں کی تعداد کی بات نہیں کر رہیں لیکن پیپلز پارٹی کو آئندہ بلدیاتی انتخابات کی بھرپور تیاری ابھی سے شروع کر دینی چاہیے، اور وہ پُرامید ہیں کہ بلاول بھٹو زرداری ملک کے وزیراعظم بنیں گے۔

ملک میں خواتین کی گرفتاریوں سے متعلق پوچھے گئے ایک سوال پر پیپلز پارٹی کی رہنما نے دوٹوک مؤقف اپناتے ہوئے کہا کہ خواتین کو جیل میں نہیں ہونا چاہیے، سیاسی یا دیگر معاملات میں مردوں کا حساب مردوں سے لیا جائے اور خواتین کو اس میں ہرگز شامل نہ کیا جائے۔