LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات

ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی

Web Desk

17 November 2026

وامی نیشنل پارٹی (اے این پی) کے مرکزی صدر ایمل ولی خان نے کہا ہے کہ مجوزہ طور پر ضلع ہری پور کو خیبرپختونخوا سے الگ کرکے وفاقی دارالحکومت اسلام آباد میں شامل کرنے کی اطلاعات گردش کر رہی ہیں، جو محض ایک انتظامی تبدیلی نہیں بلکہ صوبے کے آئینی حقوق کا انتہائی سنجیدہ سوال ہے۔

اپنے ایک اہم پالیسی بیان میں ایمل ولی خان نے کہا کہ ہری پور اور صوابی دونوں اضلاع تربیلا ڈیم سے جغرافیائی طور پر براہِ راست منسلک ہیں، جبکہ تربیلا ڈیم کی بجلی پیدا کرنے والی تنصیبات دریائے سندھ کے دونوں کناروں پر موجود ہیں۔ انہوں نے مطالبہ کیا کہ ہری پور کو صوبے سے الگ کرنے کے ممکنہ اثرات پہلے واضح کیے جائیں، کیونکہ اس اقدام سے آئینِ پاکستان کے آرٹیکل 161(2) کے تحت خیبرپختونخوا کے خالص پن بجلی منافع (نیٹ ہائیڈل پرافٹ) کے آئینی حق پر براہِ راست اثر پڑے گا۔

صدر اے این پی نے استفسار کیا کہ وفاقی حکومت یہ بھی واضح کرے کہ اس مجوزہ جغرافیائی تبدیلی سے قومی مالیاتی کمیشن (این ایف سی) ایوارڈ میں خیبرپختونخوا کے حصے پر کیا اثرات مرتب ہوں گے۔ ان کا کہنا تھا کہ ایسی کسی بھی تبدیلی سے صوبے کے قدرتی وسائل، آبادی، اراضی اور ترقیاتی حقوق بری طرح متاثر ہوں گے، جبکہ آئین کا آرٹیکل 239(4) اس حوالے سے بالکل واضح ہے کہ خیبرپختونخوا کی جغرافیائی حدود میں کوئی بھی تبدیلی متعلقہ صوبائی اسمبلی کی منظوری کے بغیر ہرگز ممکن نہیں ہے۔

ایمل ولی خان نے کہا کہ انتظامی اصلاحات عوام کی سہولت، بہتر حکمرانی اور وسائل کی منصفانہ تقسیم کے لیے ہونی چاہئیں، نہ کہ صوبوں کے آئینی حقوق کو غیر یقینی بنانے کے لیے۔ انہوں نے وفاقی حکومت کو مشورہ دیا کہ ایسی کسی بھی تجویز کی تمام تفصیلات، قانونی بنیاد اور مکمل مالی و آئینی اثرات پارلیمان اور عوام کے سامنے رکھے جائیں۔ انہوں نے دوٹوک الفاظ میں کہا کہ خیبرپختونخوا کی سرزمین، وسائل اور آئینی حقوق کا تحفظ سب کی اجتماعی ذمہ داری ہے اور صوبے کے عوام اور آئینی نمائندوں کو نظرانداز کرکے حقوق سے متعلق کوئی فیصلہ نہیں کیا جا سکتا۔