LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ پاسداران انقلاب کا قشم کے جنوب میں امریکی ڈرون قبضے میں لینے کا دعویٰ بلاول بھٹو سے صوبائی وزیر مذہبی امور، سینیٹر ضمیر گھمرو اور قائم علی شاہ کی ملاقاتیں اسلام آباد ہائیکورٹ نے بری امام ہاؤس سے متعلق بڑا فیصلہ جاری کر دیا سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری

ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم

Web Desk

16 November 2026

وزیراعظم شہباز شریف نے کہا ہے کہ پاکستان اقتصادی تعاون تنظیم (ای سی او) کے رکن ممالک کے درمیان علاقائی تعاون، باہمی روابط اور معاشی انضمام کے فروغ کے لیے پختہ عزم رکھتا ہے۔ اسلام آباد میں ای سی او وزراء کونسل کے 30ویں اجلاس میں شرکت کے لیے آئے ہوئے رکن ممالک کے وزرائے خارجہ اور وفود کے سربراہان سے ملاقات کے دوران گفتگو کرتے ہوئے وزیراعظم نے اجلاس کے کامیاب انعقاد کو سراہا اور اسلام آباد اعلامیے سمیت 2026ء سے 2035ء تک معاشی تعاون کے اسٹریٹجک اہداف کی منظوری کا خیرمقدم کیا۔ 2026-2027ء کے لیے پاکستان کو ملنے والی ای سی او صدارت اور اس کے موضوع “مضبوط اور مستحکم ای سی او کے لیے علاقائی تعاون کی بحالی” کو اجاگر کرتے ہوئے شہباز شریف نے تجارت، سرمایہ کاری، توانائی، آئی سی ٹی اور ٹرانسپورٹ راہداریوں کے ذریعے تعاون بڑھانے پر زور دیا اور کہا کہ کراچی، پورٹ قاسم اور گوادر کی بندرگاہوں سے منسلک راہداریاں بالخصوص خشکی میں گھرے رکن ممالک کو عالمی منڈیوں تک رسائی کے نئے مواقع فراہم کر سکتی ہیں۔ انہوں نے تنازعات کے پُرامن حل کے لیے مذاکرات اور سفارت کاری کو بنیادی راستہ قرار دیتے ہوئے رکن ممالک کو 2027ء کے لیے لاہور کو ای سی او کا سیاحتی مرکز قرار دیے جانے کی تقریبات میں شرکت کی دعوت دی اور اس عزم کا اعادہ کیا کہ پاکستان آئندہ سال وزراء کونسل کے اجلاس اور ای سی او سربراہی اجلاس میں رکن ممالک کے وفود کا بھرپور خیرمقدم کرے گا۔