نیتن یاہو کی سیاسی چال ناکام، آئزن کوٹ نے اتحادی حکومت مسترد کردی

اسرائیلی اپوزیشن رہنما اور وزارتِ عظمیٰ کے نامزد امیدوار گادی آئزن کوٹ نے وزیراعظم بن یامین نیتن یاہو کی جانب سے قومی اتحادی حکومت بنانے کی پیشکش کو سیاسی چال قرار دیتے ہوئے مسترد کر دیا ہے۔ عرب میڈیا کے مطابق گادی آئزن کوٹ نے کہا کہ نیتن یاہو بخوبی جانتے ہیں کہ وہ انتخابات ہار چکے ہیں اور اتحادی حکومت کی یہ پیشکش دراصل نئی حکومت کی تشکیل میں رکاوٹیں کھڑی کرنے کی ایک کوشش ہے، تاہم ایسے حربے نہ ان پر اثر انداز ہو سکتے ہیں اور نہ ہی اسرائیلی شہریوں پر۔ واضح رہے کہ گزشتہ روز نیتن یاہو نے اپوزیشن کو قومی اتحادی حکومت بنانے کی تجویز دیتے ہوئے کہا تھا کہ مجوزہ حکومت میں صرف یہودی جماعتوں کو شامل کیا جائے تاکہ ایران کے خطرے کا مقابلہ کیا جا سکے، جبکہ حالیہ انتخابات کے بعد 67 ارکانِ پارلیمان کی حمایت حاصل کرنے والے گادی آئزن کوٹ کو اسرائیلی صدر کی جانب سے پہلے ہی نئی حکومت سازی کی باضابطہ ذمہ داری سونپی جا چکی ہے۔