میر رضا کیس: جے آئی ٹی کا دوسرا اجلاس آج طلب، احمد بھاردے کی پیشی متوقع

میر رضا کیس کی تحقیقات کرنے والی مشترکہ تحقیقاتی ٹیم (جے آئی ٹی) کا دوسرا اہم اجلاس آج طلب کر لیا گیا ہے، جس میں کیس کے مرکزی کردار میر رضا کے شراکت دار احمد بھاردے کے مستقبل کے حوالے سے اہم فیصلہ متوقع ہے۔ تفتیشی ذرائع کے مطابق احمد بھاردے سے پوچھ گچھ کا سلسلہ مسلسل جاری ہے اور انہیں متعدد مرتبہ طلب کر کے کئی گھنٹوں تک تفتیش کی جا چکی ہے، جبکہ وہ اس وقت تیموریہ تھانے میں موجود ہیں جہاں سے انہیں آج جے آئی ٹی کے روبرو پیش کیا جائے گا۔ ذرائع کا کہنا ہے کہ جے آئی ٹی آج کی پیشی اور تحقیقات کی روشنی میں حتمی فیصلہ کرے گی اور دورانِ تفتیش ٹھوس شواہد سامنے آنے کی صورت میں احمد بھاردے کو باقاعدہ حراست میں لے کر جسمانی ریمانڈ کے حصول کے لیے متعلقہ عدالت میں پیش کیا جا سکتا ہے، جبکہ ٹیم کی جانب سے کیس کے تمام پہلوؤں پر تیزی سے کام جاری ہے۔