ایرانی وارننگ نظرانداز کرنے پر دو آئل ٹینکرز میں دھماکے اور آتشزدگی کا دعویٰ

ایرانی پاسدارانِ انقلاب نے دعویٰ کیا ہے کہ گزشتہ رات آبنائے ہرمز میں دو بڑے آئل سپر ٹینکرز میں دھماکوں کے بعد شدید آگ بھڑک اٹھی، جن پر 40 لاکھ بیرل سے زائد خام تیل لدا ہوا تھا۔ ایرانی پاسداران کے مطابق دونوں آئل ٹینکرز بار بار دی جانے والی وارننگز کو نظرانداز کرتے ہوئے آبنائے ہرمز کے غیر مجاز جنوبی راستے سے گزرنے کی کوشش کر رہے تھے۔ پاسدارانِ انقلاب کا کہنا ہے کہ دونوں جہازوں کو پہلے ہی خبردار کیا جا چکا تھا کہ آبنائے ہرمز کا جنوبی راستہ غیر محفوظ ہے، تاہم انہوں نے امریکی فوج کے تعاون پر بھروسا کرتے ہوئے اس راستے سے گزرنے کی کوشش کی، جبکہ پاسداران نے واضح دھمکی دی ہے کہ آئندہ بھی امریکی تعاون سے اس جنوبی راستے کو استعمال کرنے والے دیگر جہازوں کا یہی انجام ہوگا۔