پاک فوج کا ضلع باغ میں مفت ویٹرنری کیمپ، ایک ہزار سے زائد جانوروں کا معائنہ

پاک فوج نے دفاعِ وطن کے ساتھ ساتھ عوامی فلاح و بہبود کی سرگرمیوں کا سلسلہ جاری رکھتے ہوئے آزاد جموں و کشمیر کے ضلع باغ کے دورافتادہ علاقے کوٹھیاں میں جانوروں کے تحفظ اور علاج کے لیے مفت ویٹرنری کیمپ کا انعقاد کیا۔ پاک فوج کی ماہر ویٹرنری ٹیم نے کیمپ کے دوران مقامی افراد کے مال مویشیوں کا تفصیلی طبی معائنہ کیا اور مجموعی طور پر ایک ہزار 35 جانوروں و پرندوں کا چیک اپ کر کے انہیں حفاظتی ٹیکے لگائے۔ کیمپ میں 150 بھینسوں، 165 گائے، 315 بھیڑوں، 245 بکریوں، 45 مال بردار جانوروں، 278 پولٹری اور 30 پالتو جانوروں کا علاج کیا گیا جبکہ مویشی مالکان کو مفت ادویات بھی فراہم کی گئیں، جس پر کوٹھیاں کے مقامی رہائشیوں نے پاک فوج کے اس فلاحی اقدام کو سراہتے ہوئے شکریہ ادا کیا۔