ایران کی دفاعی صلاحیت پہلے سے زیادہ مضبوط، جنگ کا نتیجہ واضح ہے: رضا طلائی

ایرانی وزارتِ دفاع کے ترجمان رضا طلائی نیک نے کہا ہے کہ ایران کی دفاعی صلاحیت پہلے کے مقابلے میں اب مزید مستحکم اور طاقتور ہو چکی ہے، اور موجودہ کشیدگی اور جنگ کا نتیجہ بالکل واضح ہے۔

سماجی رابطے کی ویب سائٹ ‘ایکس’ پر امریکی صدر اور وزیر دفاع کے نام جاری کردہ اپنے پیغام میں رضا طلائی نیک نے دوٹوک الفاظ میں کہا کہ ایران کو دفاعی سازوسامان اور ہتھیاروں کی فراہمی اس کی اپنی سٹریٹجک پیداوار اور جدید ٹیکنالوجی پر انحصار کرتی ہے، جو امریکی صدر ڈونلڈ ٹرمپ اور امریکی وزیر دفاع کے پیش کردہ “گمراہ کن اعداد و شمار” سے کہیں آگے اور برتر ہے۔

ایرانی وزارت دفاع کے ترجمان نے مزید کہا کہ واشنگٹن کو یہ حقیقت تسلیم کر لینی چاہیے اور خطے میں پائیدار امن کے قیام کے لیے ایران کے جائز مطالبات ماننے کے لیے تیار رہنا چاہئے۔