چودھری سالک حسین سے ایلیٹ فورس کا مستقل پروٹوکول واپس لے لیا گیا

وفاقی وزیر برائے اوورسیز پاکستانیز چودھری سالک حسین سمیت متعدد وفاقی وزرا سے ایلیٹ فورس کا مستقل سیکیورٹی پروٹوکول واپس لے لیا گیا ہے۔

پنجاب پولیس کے ذرائع کے مطابق پروٹوکول ڈیوٹی پر مامور ایلیٹ فورس کے تمام جوانوں کو فوری طور پر ڈیوٹی ختم کر کے واپس اپنی ریفرنس لائنز رپورٹ کرنے کے احکامات جاری کر دیے گئے ہیں۔ ذرائع کا کہنا ہے کہ وفاقی وزرا کو اب مستقل کے بجائے صرف صوبہ پنجاب میں آمد اور دوروں کے موقع پر عارضی پروٹوکول اور سیکیورٹی فراہم کی جائے گی۔

وفاقی وزیر برائے اوورسیز پاکستانیز چودھری سالک حسین نے بھی میڈیا سے گفتگو کرتے ہوئے ایلیٹ فورس کا مستقل سیکیورٹی پروٹوکول واپس لیے جانے کی باضابطہ تصدیق کر دی ہے۔