پنجاب میں اسسٹنٹ کمشنرز کے تقرر و تبادلے، نوٹیفکیشن جاری

پنجاب حکومت نے صوبے کے مختلف اضلاع اور تحصیلوں میں تعنیات اسسٹنٹ کمشنرز (ACs) کے بڑے پیمانے پر تقرر و تبادلوں کے احکامات جاری کر دیے ہیں۔

محکمہ سروسز اینڈ جنرل ایڈمنسٹریشن (S&GAD) کے جاری کردہ نوٹیفکیشن کے مطابق، اسسٹنٹ کمشنر رینالہ خورد صائمہ نذیر کا تبادلہ کر کے انہیں S&GAD میں سیکشن افسر تعینات کیا گیا ہے جبکہ ان کی جگہ مہوش بتول کو اسسٹنٹ کمشنر رینالہ خورد مقرر کیا گیا ہے۔ اسسٹنٹ کمشنر بھوانہ شینا اعظم کو S&GAD رپورٹ کرنے کی ہدایت کی گئی ہے جبکہ تقرری کی منتظر خوشبہ حسین کو اسسٹنٹ کمشنر بھوانہ لگا دیا گیا ہے۔

اسی طرح اسسٹنٹ کمشنر ملتان صدر ازکا سحر کا تبادلہ کر کے انہیں بھی S&GAD رپورٹ کرنے کی ہدایت کی گئی ہے، جبکہ اسسٹنٹ کمشنر راجن پور محمد احمد خان کو اسسٹنٹ کمشنر ملتان صدر تعینات کر دیا گیا ہے۔ مزید برآں، محمد اشرف صالح کو اسسٹنٹ کمشنر راجن پور، زوہیب کریم کو اسسٹنٹ کمشنر روجھان، فہد نور کو اسسٹنٹ کمشنر لیہ اور انعم صغیر کو اسسٹنٹ کمشنر جہانیاں مقرر کر دیا گیا ہے۔