تربیلا ڈیم سے دریائے سندھ میں پانی کا اخراج بڑھنے کا امکان، الرٹ جاری

تربیلا ڈیم سے دریائے سندھ میں پانی کا اخراج ڈیڑھ لاکھ کیوسک سے تجاوز کرنے کا امکان ہے، جبکہ حکام نے آئندہ 24 گھنٹوں کے دوران پانی کا یہ بلند اخراج جاری رہنے کی توقع ظاہر کی ہے۔ ممکنہ خطرات کے پیشِ نظر ضلعی انتظامیہ اور متعلقہ اداروں کو الرٹ جاری کرتے ہوئے فوری حفاظتی اقدامات کی ہدایات دی گئی ہیں۔ انتظامیہ کی طرف سے جاری کردہ نوٹیفکیشن میں شہریوں کو دریائے سندھ کے کناروں کے قریب جانے، نہانے اور کشتی رانی سے مکمل گریز کی اپیل کی گئی ہے، جبکہ والدین کو ہدایت کی گئی ہے کہ وہ بچوں کو دریا یا ندی نالوں کی طرف نہ جانے دیں۔ اس کے علاوہ مویشی پال حضرات کو بھی اپنے جانوروں کو پانی کے تیز بہاؤ سے دور رکھنے کی تاکید کی گئی ہے تاکہ کسی حادثے سے بچا جا سکے۔ انتظامیہ نے عوام سے اپیل کی ہے کہ وہ احتیاطی تدابیر اپنائیں اور کسی بھی ہنگامی صورتحال میں فوری طور پر انتظامی اداروں سے رابطہ کریں۔

تربیلا ڈیم سے دریائے سندھ میں پانی کا اخراج بڑھنے کا امکان، الرٹ جاری

Web Desk

متعلقہ عنوانات

تربیلا ڈیم خرابی: حفاظتی اقدامات کے تحت ٹنل نمبر 5 میں آمد و رفت بند

سہیل آفریدی کی بازیابی کیلئے وفاقی آئینی عدالت میں درخواست دائر

صوبائی حکومتوں کی عالمی سرمایہ کاروں کو معدنی شعبے میں سرمایہ کاری کی دعوت

پاکستان منرلز فورم: معدنیات کو خام شکل میں برآمد کرنا مقصد نہیں، اسحاق ڈار

نائیجیریا پولو ورلڈ کپ کوالیفائرز میں پاکستان نے ایران کو شکست دیدی

سعودی عرب اور حرمین شریفین کی سلامتی پاکستان کی اولین ترجیح ہے: ترجمان پاک فوج

گلگت بلتستان کی ترقی کیلئے وفاقی حکومت ہر ممکن تعاون کرے گی: محسن نقوی