ایران اپنے قومی مفادات پر کوئی سمجھوتا نہیں کرے گا: اسماعیل بقائی

ایرانی وزارتِ خارجہ کے ترجمان اسماعیل بقائی نے تہران میں پریس بریفنگ کے دوران واضح کیا ہے کہ تہران کا پیش کردہ 2 روزہ منصوبہ انتہائی معقول تجاویز پر مبنی ہے اور ایران اپنے قومی مفادات پر کسی قسم کا سمجھوتا نہیں کرے گا۔ ترجمان نے امریکہ کی جانب سے ایرانی مطالبات کو غیرمعقول قرار دینے کی نفی کرتے ہوئے کہا کہ مذاکرات کے آغاز سے قبل عائد پابندیاں اور بحری ناکہ بندی ختم کرنے کا مطالبہ بالکل بجا ہے، جبکہ اصل غیرمعقول قدم تو سفارتی عمل کے دوران جنگ چھیڑنا ہے۔ اسماعیل بقائی نے مزید کہا کہ اگر واشنگٹن تہران کی شرائط و مطالبات کو تسلیم کر لیتا ہے تو آبنائے ہرمز میں فوری طور پر بحری سیکیورٹی بحال ہو جائے گی۔ امریکی ‘آئرن گیٹ ٹاسک فورس’ پر تنقید کرتے ہوئے ان کا کہنا تھا کہ یہ اقدام امریکی وسط مدتی انتخابات کے نتائج سے عوام کی توجہ ہٹانے کی کوشش ہے، اور امریکہ کو اب یہ درک کر لینا چاہیے کہ جنگ کی بے جا حمایت اس کے لیے کتنی مہنگی ثابت ہو رہی ہے۔