قطر کی سعودیہ کے مختلف علاقوں میں حوثیوں کے حملوں کی شدید مذمت

قطر نے سعودی عرب کے مختلف علاقوں بالخصوص دارالحکومت ریاض پر حوثی باغیوں کی جانب سے کیے گئے میزائل اور ڈرون حملوں کی شدید الفاظ میں مذمت کی ہے۔ قطری وزارتِ خارجہ کی جانب سے جاری کردہ بیان میں حوثیوں کی ان کارروائیوں کو شدید جارحانہ اقدام قرار دیتے ہوئے کہا گیا ہے کہ قطر شہریوں اور شہری انفراسٹرکچر پر حملوں کو سختی سے مسترد کرتا ہے اور ان غیر ذمہ دارانہ کارروائیوں کو فوری روکنے پر زور دیتا ہے۔ واضح رہے کہ اس سے قبل سعودی عرب کی قیادت میں قائم عسکری اتحاد نے دو حوثی میزائلوں کو فضا میں ہی تباہ کرنے کا دعویٰ کیا تھا، جبکہ بعد ازاں سعودی وزارتِ توانائی نے تصدیق کی تھی کہ میزائلوں کا ملبہ گرنے کے باعث ریاض میں واقع آرامکو آئل کمپنی کی عمارت کو نقصان پہنچا ہے۔