آبنائے ہرمز اور بحیرہ عمان میں پھر کشیدگی، امریکا کے کارگو جہاز پر حملہ

آبنائے ہرمز اور بحیرہ عمان میں امریکی اور ایرانی فورسز کے درمیان کشیدگی ایک بار پھر خطرناک حد تک بڑھ گئی ہے، جہاں امریکی کارگو جہاز کو حملے کا نشانہ بنایا گیا ہے۔ امریکی سینٹرل کمانڈ (سینٹ کام) کے مطابق مذکورہ جہاز ایرانی بندرگاہ پر رکنے کے بعد علاقے سے نکلنے کی کوشش کر رہا تھا اور اس نے امریکی بحری ناکہ بندی کی خلاف ورزی کی۔ سینٹ کام نے واضح کیا ہے کہ ایران کی بحری ناکہ بندی پر عملدرآمد کی پالیسی بلا تعطل جاری رہے گی۔ دوسری جانب ایرانی پاسدارانِ انقلاب نے دعویٰ کیا ہے کہ انہوں نے نیویگیشن اور پوزیشن سسٹمز بند کر کے غیر مجاز بحری راستوں سے گزرنے والے 3 آئل ٹینکروں کو بارودی سرنگوں کے ذریعے نشانہ بنایا ہے جس کے بعد ان میں شدید آگ بھڑک اٹھی۔ پاسدارانِ انقلاب نے آئل ٹینکرز میں آگ لگنے کی ویڈیو بھی میڈیا کے لیے جاری کر دی ہے۔