وزیراعظم شہباز شریف کی آذربائیجان کو یوم فتح کی چھٹی سالگرہ پر مبارکباد

وزیراعظم محمد شہباز شریف نے آذربائیجان کے یومِ فتح کے موقع پر صدر الہام علیوف اور آذری عوام کو مبارکباد پیش کرتے ہوئے 8 نومبر کو آذربائیجان کی قوم کی جرأت، عزم اور قربانیوں کی تاریخی یادگار قرار دیا ہے۔ وزیراعظم نے کہا کہ آذربائیجان نے تقریباً تین دہائیوں کی جدوجہد کے بعد اپنی علاقائی سالمیت بحال کی، جو وہاں کے شہداء کی عظیم قربانیوں کا نتیجہ ہے۔ انہوں نے اس عزم کا اعادہ کیا کہ پاکستان ہمیشہ کی طرح آج بھی آذربائیجان کے ساتھ شانہ بشانہ کھڑا ہے اور دونوں ممالک کے مابین تعلقات ناقابلِ شکست ہیں۔ گزشتہ سال باکو میں یومِ فتح کی پریڈ کا حوالہ دیتے ہوئے وزیراعظم نے آذربائیجان کی مسلسل ترقی اور جنوبی قفقاز کے خطے میں پائیدار امن و مشترکہ خوشحالی کے لیے نیک تمناؤں کا اظہار کیا۔