آپریشن فجر الیمن: حوثی باغیوں کے ٹھکانوں پر 875 حملے، 130 ہلاک یا غیر مؤثر ہونے کا دعویٰ

یمن کی مسلح افواج نے دعویٰ کیا ہے کہ ‘آپریشن فجر الیمن’ کے تحت حوثی باغیوں کے ٹھکانوں پر 875 کارروائیاں کی گئی ہیں، جن کے نتیجے میں 130 حوثی جنگجو اور اہم کمانڈرز ہلاک یا غیر مؤثر ہو گئے ہیں، جبکہ 50 سے زائد عسکری گاڑیاں اور تنصیبات تباہ کر دی گئی ہیں۔

یمنی فوج کے باضابطہ ترجمان کے مطابق ان کارروائیوں میں حوثی باغیوں کی کمک، جنگجوؤں کے اجتماعات، میزائل داغنے کی تنصیبات اور جنگی سازوسامان کے ذخائر کو نشانہ بنایا گیا، جس کے لیے فضائیہ کے لڑاکا طیاروں، ڈرونز اور توپ خانے کا استعمال کیا گیا۔ تعز، مارب اور الجوف کے محاذوں پر حکومتی فورسز، نیشنز شیلڈ، جائنٹس بریگیڈز اور عوامی مزاحمتی گروپس نے حوثیوں کے متعدد حملے ناثر بناتے ہوئے ان کی نقل و حرکت کو مفلوج کر دیا۔

ترجمان کا کہنا تھا کہ یمن کے جنوبی اور مغربی محاذوں پر بھی نیشنز شیلڈ اور نیشنل ریزسٹنس فورسز کی جانب سے عسکری کارروائیاں بلا تعطل جاری ہیں تاکہ علاقے میں امن و امان کی فضا اور حکومتی رٹ کو بحال کیا جا سکے۔