فیملی پنشن صرف بیوہ یا شوہر تک محدود کرنے کی پابندی غیر قانونی قرار

لاہور ہائیکورٹ نے فیملی پنشن کے حق کو صرف بیوہ یا شوہر تک محدود رکھنے کی انتظامی پابندی کو غیر قانونی قرار دیتے ہوئے غیر شادی شدہ اور طلاق یافتہ بیٹیوں کو پنشن سے محروم کرنے سے متعلق تمام احکامات کالعدم کر دیے ہیں۔

لاہور ہائیکورٹ کے جسٹس سید احسن رضا کاظمی نے سائلہ زاہدہ یاسمین سمیت تین متاثرہ بیٹیوں کی درخواستوں پر سماعت کے بعد 20 صفحات پر مشتمل تفصیلی تحریری فیصلہ جاری کیا۔ عدالت نے محکمہ خزانہ کی جانب سے 30 مئی 2025 کو جاری کردہ وضاحتی نوٹیفکیشن اور دسمبر 2024 و اگست 2025 کے نوٹیفکیشنز کو بلااختیار اور غیر قانونی قرار دے کر منسوخ کر دیا۔ اپنے فیصلے میں عدالت نے واضح کیا کہ متعلقہ قانون میں لفظ ‘فیملی’ استعمال ہوا ہے، جسے کسی انتظامی وضاحت یا نوٹفکیشن کے ذریعے صرف ‘شریکِ حیات’ (بیوہ یا شوہر) تک محدود نہیں کیا جا سکتا۔

جسٹس احسن رضا کاظمی نے قرار دیا کہ پنشن حکومت کی کوئی رعایت یا مہربانی نہیں بلکہ ایک قانونی حق ہے۔ عدالت نے سپریم کورٹ کے تاریخی ‘کنول رشید کیس’ کا حوالہ دیتے ہوئے کہا کہ والد اور والدہ کی پنشن کے دعووں کو الگ الگ جانچا جانا چاہیے، اور ایک پنشن کا ملنا کسی دوسری پنشن کے حق سے محرومی کی بنیاد نہیں بن سکتا۔ ہائیکورٹ نے تمام متعلقہ محکموں کو ہدایت کی ہے کہ وہ متاثرہ بیٹیوں کے پنشن کیسز پر ازسرنو قانونی جائزہ لیں، انہیں سماعت کا موقع فراہم کریں اور فیصلے کی کاپی ملنے کے 60 روز کے اندر کارروائی مکمل کریں۔

فیملی پنشن صرف بیوہ یا شوہر تک محدود کرنے کی پابندی غیر قانونی قرار

Web Desk

متعلقہ عنوانات

تربیلا ڈیم خرابی: حفاظتی اقدامات کے تحت ٹنل نمبر 5 میں آمد و رفت بند

سہیل آفریدی کی بازیابی کیلئے وفاقی آئینی عدالت میں درخواست دائر

صوبائی حکومتوں کی عالمی سرمایہ کاروں کو معدنی شعبے میں سرمایہ کاری کی دعوت

پاکستان منرلز فورم: معدنیات کو خام شکل میں برآمد کرنا مقصد نہیں، اسحاق ڈار

نائیجیریا پولو ورلڈ کپ کوالیفائرز میں پاکستان نے ایران کو شکست دیدی

سعودی عرب اور حرمین شریفین کی سلامتی پاکستان کی اولین ترجیح ہے: ترجمان پاک فوج

گلگت بلتستان کی ترقی کیلئے وفاقی حکومت ہر ممکن تعاون کرے گی: محسن نقوی