ایل پی جی کی نیلامی کا نیا نظام متعارف، میڈیا کی موجودگی میں فروخت ہوگی

حکومتِ پاکستان نے ملک بھر میں مائع پٹرولیم گیس (ایل پی جی) کی غیر منصفانہ قیمتوں کو کنٹرول کرنے اور شفاف نیلامی کے لیے عملی اقدامات کا باضابطہ آغاز کر دیا ہے، جس کے تحت اس سلسلے میں قائم خصوصی کمیٹی کا پہلا اجلاس سیکرٹری پٹرولیم کی زیر صدارت اسلام آباد میں منعقد ہوا۔

وفاقی وزیر پٹرولیم علی پرویز ملک کے مطابق، وفاقی کابینہ کی جانب سے 4 نومبر 2026 کو منظور کیے گئے فریم ورک کے تحت ایل پی جی کی دستیابی اور گیس کی بلاجواز بلیک مارکیٹنگ کے بارے میں عوامی خدشات کو ختم کرنا ترجیح ہے۔ اجلاس میں فیصلہ کیا گیا کہ مقامی طور پر ایل پی جی پیدا کرنے والے تمام ادارے اپنی مجموعی پیداوار کا 10 فیصد حصہ سرکاری مارکیٹنگ کمپنیوں کے لیے مختص کریں گے، جبکہ بقیہ 90 فیصد ایل پی جی کی فروخت میڈیا کی موجودگی میں اوپن اور شفاف نیلامی کے ذریعے کی جائے گی۔ اس فریم ورک کے تحت کوئی بھی کمپنی یومیہ 20 میٹرک ٹن سے زیادہ ایل پی جی حاصل نہیں کر سکے گی، اور یومیہ پیداوار کا ڈیٹا وزیراعظم کو ارسال کیا جائے گا۔

واضح رہے کہ اس وقت ملک کے مختلف شہروں بالخصوص لاہور اور ملتان میں سرکاری نرخ نامے کی خلاف ورزی کرتے ہوئے ایل پی جی 600 روپے فی کلو تک کی بلند ترین سطح پر فروخت کی جا رہی ہے، جس کے باعث صارفین مشکلات کا شکار ہیں۔ حکومت کا مقصد نئی پالیسی سے سپلائی چین کو مستحکم بنانا اور عوام کو کنٹرولڈ نرخوں پر گیس کی فراہمی ممکن بنانا ہے۔

ایل پی جی کی نیلامی کا نیا نظام متعارف، میڈیا کی موجودگی میں فروخت ہوگی

Web Desk

متعلقہ عنوانات

تربیلا ڈیم خرابی: حفاظتی اقدامات کے تحت ٹنل نمبر 5 میں آمد و رفت بند

سہیل آفریدی کی بازیابی کیلئے وفاقی آئینی عدالت میں درخواست دائر

صوبائی حکومتوں کی عالمی سرمایہ کاروں کو معدنی شعبے میں سرمایہ کاری کی دعوت

پاکستان منرلز فورم: معدنیات کو خام شکل میں برآمد کرنا مقصد نہیں، اسحاق ڈار

نائیجیریا پولو ورلڈ کپ کوالیفائرز میں پاکستان نے ایران کو شکست دیدی

سعودی عرب اور حرمین شریفین کی سلامتی پاکستان کی اولین ترجیح ہے: ترجمان پاک فوج

گلگت بلتستان کی ترقی کیلئے وفاقی حکومت ہر ممکن تعاون کرے گی: محسن نقوی