پنجاب کے سرکاری سکولوں میں چائلڈ پروٹیکشن کمیٹیاں قائم کرنے کی تجویز

چیئرپرسن چائلڈ پروٹیکشن اینڈ ویلفیئر بیورو (CPWB) پنجاب، سارہ احمد نے صوبے بھر کے تمام سرکاری اسکولوں میں چائلڈ پروٹیکشن کمیٹیاں قائم کرنے اور بچوں کے تحفظ پر مبنی تعلیم کو اسکول نصاب میں شامل کرنے کے لیے سیکرٹری اسکول ایجوکیشن کو ایک اہم مراسلہ ارسال کر دیا ہے۔

وزیر اعلیٰ پنجاب کے وژن کے تحت بھیجے گئے اس مراسلے میں تجویز دی گئی ہے کہ اسکولوں میں طلبہ، اساتذہ اور والدین پر مشتمل خصوصی چائلڈ پروٹیکشن کمیٹیاں تشکیل دی جائیں۔ یہ کمیٹیاں بچوں کے بنیادی حقوق کی آگاہی، تحفظ سے متعلق مسائل کی نشاندہی اور متعلقہ اداروں کو بروقت رپورٹنگ کو یقینی بنائیں گی۔ سارہ احمد کے مطابق بچوں کو محفوظ ماحول فراہم کرنے کے لیے ‘گڈ ٹچ اور بیڈ ٹچ’، ذاتی حدود، جسمانی تحفظ اور ناگواری یا نامناسب رویوں کی نشاندہی سے متعلق سکھانا وقت کی اہم ضرورت ہے۔

مراسلے میں ڈیجیٹل سیفٹی ایجوکیشن کو بھی نصاب میں شامل کرنے پر زور دیا گیا ہے تاکہ کمسن بچوں کو سائبر بلنگ، آن لائن ہراسگی، آن لائن گرومنگ اور ڈیجیٹل استحصال سے محفوظ رکھا جا سکے۔ چیئرپرسن بیورو نے مزید کہا کہ بچوں کو سوشل میڈیا کے ذمہ دارانہ استعمال، آن لائن پرائیویسی اور ڈیجیٹل فٹ پرنٹس سے متعلق آگاہی دینا انتہائی ضروری ہے تاکہ وہ انٹرنیٹ کے خطرات سے محفوظ رہ سکیں۔

پنجاب کے سرکاری سکولوں میں چائلڈ پروٹیکشن کمیٹیاں قائم کرنے کی تجویز

Web Desk

متعلقہ عنوانات

تربیلا ڈیم خرابی: حفاظتی اقدامات کے تحت ٹنل نمبر 5 میں آمد و رفت بند

سہیل آفریدی کی بازیابی کیلئے وفاقی آئینی عدالت میں درخواست دائر

صوبائی حکومتوں کی عالمی سرمایہ کاروں کو معدنی شعبے میں سرمایہ کاری کی دعوت

پاکستان منرلز فورم: معدنیات کو خام شکل میں برآمد کرنا مقصد نہیں، اسحاق ڈار

نائیجیریا پولو ورلڈ کپ کوالیفائرز میں پاکستان نے ایران کو شکست دیدی

سعودی عرب اور حرمین شریفین کی سلامتی پاکستان کی اولین ترجیح ہے: ترجمان پاک فوج

گلگت بلتستان کی ترقی کیلئے وفاقی حکومت ہر ممکن تعاون کرے گی: محسن نقوی