امریکا اور اسرائیل کا ایران پر مختصر اور شدید حملوں کا منصوبہ تیار

امریکا اور اسرائیل نے ایران کے خلاف مختصر مگر انتہائی شدید نوعیت کے حملوں کا ایک نیا اور مشترکہ عسکری منصوبہ تیار کر لیا ہے۔

امریکی اخبار ‘نیویارک ٹائمز’ کی رپورٹ کے مطابق اس مجوزہ آپریشن پر عملدرآمد کے لیے صرف امریکی صدر ڈونلڈ ٹرمپ کی حتمی منظوری کا انتظار ہے، جس کے ملتے ہی باقاعدہ عسکری کارروائی کا آغاز کر دیا جائے گا۔

رپورٹ کے مطابق اس منصوبے کے تحت خلیجی ممالک میں قائم مختلف امریکی فوجی اڈوں پر تعینات ہزاروں اہلکار اور خطے کی سمندری حدود میں موجود 12 سے زائد جنگی بحری جہاز و ایئر کرافٹ کیریئرز ممکنہ حملوں میں براہِ راست حصہ لیں گے، تاکہ ایران کے اہم اہداف کو فوری اور شدید نقصان پہنچایا جا سکے۔