آبنائے ہرمز میں مزید تین آئل ٹینکروں کو نقصان پہنچنے کی اطلاع

خلیجی خطے میں جاری کشیدگی اور جنگی صورتحال کے باعث بحری نقل و حمل کی سلامتی شدید خطرات سے دوچار ہو گئی ہے، جبکہ ایران نے آبنائے ہرمز میں مزید تین آئل ٹینکروں کو نقصان پہنچنے کی باضابطہ اطلاع دی ہے۔

برطانوی میری ٹائم سیکیورٹی ایجنسی کے مطابق اس اہم تجارتی اور بحری گزرگاہ میں سیکیورٹی صورتحال انتہائی نازک ہو چکی ہے۔ ادارے نے بتایا کہ یکم نومبر سے اب تک اس خطے میں کم از کم پانچ مختلف تجارتی اور تیل بردار بحری جہازوں پر حملوں یا نقصان پہنچنے کی اطلاعات موصول ہو چکی ہیں۔

آبنائے ہرمز میں آئل ٹینکروں کو نشانہ بنائے جانے سے عالمی سطح پر خام تیل کی فراہمی اور بحری تجارت پر شدید منفی اثرات مرتب ہونے کا خدشہ ہے، جبکہ سلامتی کے بین الاقوامی اداروں نے خطے سے گزرنے والے جہازوں کے لیے الرٹ جاری کر دیا ہے