مریم نواز کی ڈی سیز کو ہسپتالوں کی صورتحال بہتر بنانے کیلئے 3 دن کی مہلت

وزیراعلیٰ پنجاب مریم نواز کی زیرِ صدارت صوبے کے ڈپٹی کمشنرز کی کارکردگی کا اعلیٰ سطح کا جائزہ اجلاس منعقد ہوا، جس میں انہوں نے ہسپتالوں کی انتظامی صورتحال اور خدمات کو بہتر بنانے کے لیے انتظامی افسران کو 3 دن کی حتمی مہلت دے دی ہے۔ اجلاس کے دوران وزیراعلیٰ نے سموگ کے تدارک کے لیے فصلوں کی باقیات جلانے پر 100 فیصد کنٹرول یقینی بنانے کی ہدایت کی، جبکہ شہروں میں سٹریٹ لائٹس اور مین ہولز کے مکمل احاطے اور فعال ہونے کا حکم بھی دیا پنجاب کی وزیراعلیٰ نے واضح کیا کہ ڈپٹی کمشنرز کی غفلت اور کوتاہی ان کی حکومتی ساکھ کو براہِ راست متاثر کرتی ہے، اس لیے عوامی فلاح کے امور میں کسی قسم کی لاپرواہی برداشت نہیں کی جائے گی۔