وزیراعظم شہباز شریف کا فیول ریلیف پروگرام کی شفافیت پر اطمینان کا اظہار

وزیراعظم محمد شہباز شریف کی زیرِ صدارت ‘پرائم منسٹر فیول ریلیف پروگرام’ کا اعلیٰ سطح کا جائزہ اجلاس منعقد ہوا، جس میں بتایا گیا کہ 4 نومبر 2026 تک 28.6 ارب روپے کی پٹرولیم سبسڈی مستحقین تک پہنچائی جا چکی ہے۔ اجلاس کو بریفنگ دی گئی کہ اس شفاف ٹیکنالوجی پر مبنی اسکیم کے تحت اب تک 1 کروڑ 55 لاکھ سے زائد شہری رجسٹر ہو چکے ہیں، جن میں 1.5 کروڑ موٹر سائیکل مالکان اور 4 لاکھ 49 ہزار 800 سی سی تک کی گاڑیوں کے مالکان شامل ہیں، جبکہ جاری کردہ 6 کروڑ 31 لاکھ ٹوکنز میں سے 5 کروڑ 94 لاکھ سے زائد ریڈییم کیے جا چکے ہیں۔ وزیراعظم شہباز شریف نے پروگرام کی شفافیت پر اطمینان کا اظہار کرتے ہوئے رجسٹرڈ شہریوں کو فیول فراہم نہ کرنے والے پٹرول پمپس کے لائسنس فوری منسوخ کرنے کی ہدایت کی اور وزارتِ آئی ٹی کی ٹیم کی کارکردگی کو سراہا۔ اجلاس میں نائب وزیراعظم اسحاق ڈار، وفاقی وزیر خزانہ محمد اورنگزیب اور دیگر اعلیٰ حکام نے شرکت کی۔