ون کانسٹیٹیوشن منصوبے کے متاثرین کو معاوضہ ادا کیا جائے گا: احسن اقبال

وفاقی وزیر برائے منصوبہ بندی و ترقی احسن اقبال نے وزیر اطلاعات عطا تارڑ اور وزیر مملکت برائے داخلہ طلال چوہدری کے ہمراہ اسلام آباد میں اہم پریس کانفرنس کرتے ہوئے اعلان کیا ہے کہ ون کانسٹیٹیوشن ایونیو منصوبے کے متاثرین کو ان کا پورا معاوضہ ادا کیا جائے گا۔ انہوں نے بتایا کہ وزیراعظم شہباز شریف کی قائم کردہ تحقیقاتی کمیٹی کی رپورٹ کو وفاقی کابینہ نے منظور کر لیا ہے، جس میں تمام قواعد و ضوابط کو نظر انداز کرنے اور سی ڈی اے کی غفلت کی نشاندہی کی گئی ہے جبکہ منصوبے کے نام میں بھی جعل سازی کے باعث اس کا نام تبدیل کرنے کی سفارش کی گئی ہے۔ اس موقع پر وزیر اطلاعات عطا تارڑ اور طلال چوہدری نے واضح کیا کہ جے آئی ٹی کی سفارشات پر نیب کو میرٹ پر تحقیقات اور ریفرنس دائر کرنے کے لیے تین ماہ کا وقت دیا گیا ہے تاکہ عوام کو لوٹنے والے سہولت کاروں اور مرکزی کرداروں کو قانون کے کٹہرے میں لایا جا سکے۔