لاہور سمیت پنجاب کے مختلف شہروں کی فضا خطرناک حد تک آلودہ

لاہور سمیت پنجاب کے مختلف شہروں میں فضائی آلودگی اور سموگ کی صورتحال شدید تشویشناک حد تک بڑھ گئی ہے، جس میں ملتان ملک کا آلودہ ترین شہر جبکہ لاہور عالمی سطح پر سرِفہرست آ گیا ہے۔ عالمی ماحولیاتی ویب سائٹ کے مطابق لاہور کا مجموعی ایئر کوالٹی انڈیکس (AQI) 400 سے تجاوز کر گیا ہے، جہاں پیراگون کے علاقے میں اے کیو آئی ریکارڈ 728، علامہ اقبال ٹاؤن میں 615 اور ماڈل ٹاؤن میں 435 درج کیا گیا۔ پنجاب کے دیگر اضلاع میں بھی صورتحال انتہائی خراب ہے، جہاں ملتان میں ایئر کوالٹی انڈیکس 566، رحیم یار خان میں 483 اور فیصل آباد میں 455 ریکارڈ کیا گیا ہے۔ ماہرینِ صحت نے فضائی آلودگی کی اس خطرناک شرح پر شہریوں کو بلاضرورت گھروں سے باہر نہ نکلنے اور ماسک کے استعمال سمیت سخت احتیاطی تدابیر اختیار کرنے کی ہدایت کی ہے۔