وزیر اعلیٰ سہیل آفریدی و دیگر کی بازیابی کا کیس: پشاور ہائیکورٹ کا لارجر بینچ بنانے کے لیے معاملہ چیف جسٹس کو بھیجنے کا حکم

پشاور ہائیکورٹ کے دو رکنی بینچ نے غیر فعال وزیر اعلیٰ خیبر پختونخوا سہیل آفریدی، اسپیکر صوبائی اسمبلی اور دیگر کی بازیابی کے لیے دائر درخواستوں پر سماعت کرتے ہوئے لارجر بینچ کی تشکیل کے لیے کیس چیف جسٹس کو بھیجنے کا حکم دیا ہے۔ جسٹس سید ارشد علی اور جسٹس محمد فہیم ولی پر مشتمل بینچ نے سماعت کی، جس کے دوران درخواست گزار کے وکیل بشیر وزیر نے موقف اختیار کیا کہ وزیراعلیٰ اور اسپیکر کو قانون کے تحت استثنیٰ حاصل ہے، مگر وہ کئی دنوں سے لاپتہ ہیں جبکہ گورنر اور حکام ان کی ‘حفاظتی تحویل’ کی تصدیق کر چکے ہیں۔ عدالتی احکامات کے باوجود جواب جمع نہ کرانے پر عدالت نے ایڈووکیٹ جنرل ثناء اللہ کی شدید سرزنش کی اور قرار دیا کہ صوبے کا سربراہ غائب ہونا انتہائی سنجیدہ معاملہ ہے۔ بعد ازاں عدالت نے تمام درخواستیں لارجر بینچ کی تشکیل کے لیے چیف جسٹس پشاور ہائیکورٹ کو ارسال کر دیں۔