لاہور: بیوی پر تیزاب گردی کرنے والا سفاک شوہر بیٹی سمیت گرفتار

لاہور کے علاقے کاہنہ میں بیوی اور بچے پر تیزاب پھینک کر فرار ہونے والے شوہر انصاف علی اور اس کی بیٹی کو پولیس نے فیصل آباد سے گرفتار کر لیا ہے۔ پولیس کے مطابق واقعہ روہی نالہ کے قریب اس وقت پیش آیا تھا جب فیکٹری سے چھٹی کے بعد گھر جانے والی خاتون اور اس کے بیٹے پر تیزاب پھینکا گیا، جس کے نتیجے میں خاتون کی گردن، کمر، ٹانگیں اور بچے کا بازو متاثر ہوئے اور وہ جنرل ہسپتال میں زیرِ علاج ہیں۔ متاثرہ خاتون کی درخواست پر مقدمہ درج کر کے ملزمان سے تفتیش کی جا رہی ہے۔ ڈی آئی جی آپریشنز فیصل کامران نے واقعے پر سخت ردعمل دیتے ہوئے کہا کہ خواتین کے تحفظ پر وزیراعلیٰ پنجاب کی ریڈ لائن کی خلاف ورزی کرنے والوں سے کوئی رعایت نہیں برتی جائے گی۔