حکومت اور جماعت اسلامی کے درمیان پٹرولیم لیوی کے خاتمے پر مذاکرات شروع

پٹرولیم لیوی کے خاتمے اور عوامی مطالبات پر حکومت اور جماعت اسلامی کے درمیان باقاعدہ مذاکرات کا آغاز ہو گیا ہے۔ ذرائع کے مطابق جماعت اسلامی کی 3 رکنی مذاکراتی ٹیم لیاقت بلوچ کی سربراہی میں وزارتِ خارجہ پہنچ گئی، جس میں سید فراست شاہ اور انجینئر نصر اللہ رندھاوا شامل ہیں۔ مذاکرات ڈپٹی وزیراعظم اسحاق ڈار کے دفتر میں جاری ہیں، جہاں حکومتی وفد میں وفاقی وزیر احسن اقبال اور رانا ثناء اللہ بھی موجود ہیں۔ اس اہم ملاقات کا بنیادی مقصد پٹرولیم مصنوعات پر عائد لیوی کے خاتمے اور دیگر معاشی تحفظات پر بات چیت کے ذریعے تصفیہ حاصل کرنا ہے۔