امریکا کے ساتھ جنگ بندی کے معاہدے سے ابھی بہت دور ہیں: اعلیٰ ایرانی عہدیدار

ایک اعلیٰ ایرانی عہدیدار نے واضح کیا ہے کہ ایران امریکا کے حد سے زیادہ مطالبات کو کسی صورت قبول نہیں کرے گا اور دونوں ممالک جنگ کے خاتمے کے لیے کسی معاہدے سے ابھی بہت دور ہیں۔ غیر ملکی خبر ایجنسی ‘رائٹرز’ سے گفتگو کرتے ہوئے ایرانی عہدیدار نے کہا کہ اگر امریکا آبنائے ہرمز کو کھلونا چاہتا ہے تو اسے ایران کی پیش کردہ شرائط پوری کرنا ہوں گی، جس کے بعد ہی جوہری مذاکرات کا باقاعدہ آغاز ممکن ہو سکتا ہے۔ انہوں نے مزید کہا کہ ثالثین دونوں فریقین کے درمیان اختلافات کم کرنے کی کوششیں کر رہے ہیں، تاہم اگر امریکا نے حملہ کیا تو ایران کا بھرپور اور سخت ردِعمل صرف خطے تک محدود نہیں رہے گا بلکہ اس کے نتائج عالمی سطح پر بھی سامنے آئیں گے۔