خلیج تعاون کونسل کے رکن ممالک سے کوئی دشمنی نہیں: عباس عراقچی

ایرانی وزیرِ خارجہ عباس عراقچی نے واضح کیا ہے کہ ایران کو خلیج تعاون کونسل (جی سی سی) کے رکن ممالک سے کوئی دشمنی نہیں ہے اور تہران خطے میں نئے سکیورٹی انتظامات کی تشکیل چاہتا ہے۔ سماجی رابطے کی ویب سائٹ ایکس (ٹوئٹر) پر جاری بیان میں ایرانی وزیرِ خارجہ نے قطر اور عمان کے مثبت اور مصالحتی کردار کو سراہتے ہوئے بتایا کہ سعودی عرب کے ساتھ بھی تعمیری بات چیت کا سلسلہ جاری ہے۔ عباس عراقچی نے مزید کہا کہ خطے کی سیکیورٹی کے نئے فریم ورک کو خطے کے ممالک خود طے کریں اور اس میں کسی بھی غیر ملکی فوجی موجودگی یا مداخلت کا کوئی کردار نہیں ہونا چاہیے۔