بانی پی ٹی آئی کی بہنوں کی نظر بندی کا معاملہ: ہائیکورٹ نے ڈی سی لاہور کو طلب کر لیا

لاہور ہائیکورٹ نے بانی پی ٹی آئی کی بہنوں کی نظر بندی کے نوٹیفکیشن میں توسیع کے خلاف درخواستوں پر سماعت کرتے ہوئے ڈی سی لاہور کو 4 نومبر کو ذاتی حیثیت میں طلب کر لیا ہے، جبکہ نورین نیازی کی دو بیٹیوں کو کل جیل میں والدہ سے ایک گھنٹے کی ملاقات کروانے کا حکم دیا ہے۔ جسٹس عبہر گل خان نے سکینہ اور شاہ ریز کی درخواستوں پر سماعت کی، جہاں ہوم سیکرٹری کی جانب سے رپورٹ پیش کی گئی جس میں حکومتی وکیل نے بتایا کہ نورین نیازی کو ہسپتال میں علاج کے بعد ڈاکٹرز کی ہدایت پر دوبارہ جیل منتقل کر دیا گیا ہے۔ عدالت نے ڈی سی لاہور کو وکیل کی درخواست پر کل صبح 10 بجے ملاقات کا انتظام کرنے کی ہدایت کی ہے، جبکہ علیمہ خانم کی نظر بندی میں توسیع کے خلاف سماعت آئندہ ہفتے تک ملتوی کر دی گئی ہے۔