پنجاب کے 13 اضلاع میں انسداد پولیو مہم شروع، 93 لاکھ سے زائد بچوں کو قطرے پلانے کا ہدف

پنجاب کے 13 اضلاع میں نومبر کی انسدادِ پولیو مہم کا باقاعدہ آغاز ہو گیا ہے، جس کے تحت 5 سال سے کم عمر کے 93 لاکھ سے زائد بچوں کو معذوری سے بچاؤ کے قطرے پلائے جائیں گے۔ سربراہ انسدادِ پولیو پروگرام خالد پرویز کے مطابق 77 ہزار سے زائد اہلکار اس مہم کا حصہ ہیں، جہاں لاہور میں 7 روز اور ملتان، راولپنڈی و رحیم یار خان سمیت دیگر 12 اضلاع میں 4 روز تک گھر گھر جا کر پولیو قطرے پلائے جائیں گے۔ انتظامیہ نے والدین سے بچوں کو قطرے پلوانے کے لیے پولیو ورکرز سے تعاون کی اپیل کی ہے اور واضح کیا ہے کہ بیماری کا واحد حل بروقت ویکسینیشن ہے، جبکہ مہم میں رہ جانے والے بچوں کی کوریج کے لیے فالو اَپ سرگرمیاں بھی انجام دی جائیں گی۔