افغانستان سے بلااشتعال فائرنگ، پاک فوج کا منہ توڑ جواب، طالبان پوسٹیں چھوڑ کر فرار

پاک افغان سرحد پر افغان سرحدی پوسٹوں کی جانب سے پاکستانی سیکیورٹی فورسز کی چوکیوں پر بلااشتعال فائرنگ کی گئی ہے، جس پر پاک فوج نے فوری اور مؤثر جوابی کارروائی کی۔ فورسز نے شدید ردِعمل دیتے ہوئے متعدد افغان سرحدی پوسٹوں، مارٹر پوزیشنوں اور دفاعی چوکیوں کو نشانہ بنایا، جس کے نتیجے میں افغان طالبان اپنی پوسٹیں چھوڑ کر فرار ہونے پر مجبور ہو گئے۔ ڈپٹی کمشنر جنوبی وزیرستان کے مطابق پاکستانی سرحدی علاقوں میں کسی قسم کے جانی نقصان کی اطلاع نہیں ملی ہے، جبکہ سرحد پر تعینات فورسز کسی بھی ممکنہ جارحیت کا بھرپور جواب دینے کے لیے مکمل الرٹ ہیں۔