جیکب آباد میں دیرینہ دشمنی پر دو گروپوں میں فائرنگ، خواتین سمیت 4 افراد قتل، 2 زخمی

سندھ کے ضلع جیکب آباد میں تھانہ میراں پور کی حدود میں ڈاھانی برادری کے دو گروپوں کے درمیان دیرینہ دشمنی پر خونریز تصادم کے نتیجے میں 2 خواتین سمیت 4 افراد جاں بحق جبکہ 2 زخمی ہو گئے ہیں۔ پولیس کے مطابق فائرنگ کے تبادلے میں علی حسن، اقبال، رضیہ اور لطیفاں بی بی موقع پر اور ہسپتال منتقلی کے دوران دم توڑ گئے۔ واقعے کی اطلاع ملتے ہی پولیس کی بھاری نفری نے موقع پر پہنچ کر شواہد اکٹھے کیے اور لاشوں کو ضروری قانونی کارروائی کے لیے تعلقہ ہسپتال منتقل کر دیا، جبکہ واقعے میں ملوث ملزمان کی گرفتاری کے لیے چھاپے مارے جا رہے ہیں۔