پاکستان اور سنگاپور کے درمیان تجارت، سرمایہ کاری اور تعلیمی تعاون بڑھانے پر اتفاق

پاکستان اور سنگاپور نے دوطرفہ تعلقات کی 60ویں سالگرہ کے موقع پر تجارت، سرمایہ کاری، تعلیمی تعاون اور ہنرمندی کی ترقی میں روابط بڑھانے پر اتفاق کیا ہے۔ نائب وزیراعظم و وزیر خارجہ اسحاق ڈار کے ساتھ مشترکہ پریس کانفرنس کرتے ہوئے سنگاپور کے وزیر خارجہ ڈاکٹر ویوین بالاکرشنن نے مشرقِ وسطیٰ میں امن و استحکام کے لیے پاکستان کے کردار کو سراہا۔ دو دہائیوں بعد کسی سنگاپوری وزیر خارجہ کے اس اہم دورے کے دوران دونوں ممالک نے سیاسی مشاورت کے تسلسل اور این ڈی ایم اے (NDMA) کے ساتھ قدرتی آفات سے نمٹنے اور ارلی وارننگ سسٹم سے متعلق ایم او یو (MoU) پر بھی دستخط کیے۔ اس موقع پر اسحاق ڈار نے بتایا کہ سنگاپور میں پاکستانی ہائی کمیشن میں ٹریڈ اینڈ انویسٹمنٹ آفس دوبارہ فعال کر دیا گیا ہے، جبکہ وزیراعظم شہباز شریف نے سنگاپور کے دورے کی دعوت بھی قبول کر لی ہے۔