شہباز شریف نے مسلم لیگ ن خیبرپختونخوا کا اہم اجلاس کل طلب کر لیا

وزیراعظم محمد شہباز شریف نے مسلم لیگ ن خیبرپختونخوا کا ایک انتہائی اہم مشاورتی اجلاس کل طلب کر لیا ہے، جس میں صوبے کی سیاسی صورتحال اور پارٹی امور پر غور کیا جائے گا۔

ذرائع کے مطابق یہ اہم اجلاس وفاقی وزیر برائے امورِ کشمیر اور پاکستان مسلم لیگ ن خیبرپختونخوا کے صوبائی صدر انجینئر امیر مقام کی خصوصی تجویز پر طلب کیا گیا ہے۔ اجلاس میں خیبرپختونخوا سے تعلق رکھنے والے قومی اسمبلی کے ارکان، سینیٹرز، صوبائی اسمبلی کے ارکانِ اور پارٹی کے دیگر اہم مرکزی و صوبائی عہدیدار شرکت کریں گے۔ اجلاس کے دوران صوبے میں پارٹی کی تنظیم نو، تنظیمی سرگرمیوں اور ملک کی موجودہ سیاسی و اقتصادی صورتحال کے تناظر میں مسلم لیگ ن کا آئندہ کا لائحہ عمل طے کیا جائے گا۔