حکومت اور پیپلز پارٹی مذاکرات کا دوسرا دور ختم، بات چیت جاری رکھنے پر اتفاق

حکومت اور اتحادی جماعت پاکستان پیپلز پارٹی (پی پی پارلیمنٹیرینز) کے درمیان اہم قانون سازی کے امور پر جاری مذاکرات کا دوسرا دور بھی اختتام پذیر ہو گیا ہے، تاہم دونوں فریقین نے اس بات پر اتفاق کیا ہے کہ آئندہ بھی بات چیت کا سلسلہ جاری رکھا جائے گا۔

قومی اسمبلی کے اسپیکر چیمبر میں ہونے والی اس اہم ملاقات میں وفاقی وزراء اور پاکستان پیپلز پارٹی کا خصوصی وفد شریک ہوا، جہاں پارلیمنٹ میں زیر غور آنے والے مختلف قانونی مسودات پر تبادلہ خیال کیا گیا۔ ذرائع کے مطابق اجلاس کے دوران ‘رایت آف وے بل’ (Right of Way Bill) کے معاملے پر پاکستان پیپلز پارٹی کی جانب سے اپنا سخت مؤقف برقرار رکھا گیا۔ پیپلز پارٹی کے رہنماؤں کا دوٹوک مؤقف تھا کہ کسی بھی شخص کی نجی ملکیتی زمین پر قانون کی آڑ میں زبردستی موبائل ٹاور یا متعلقہ تنصیبات کیسے نصب کی جا سکتی ہیں، اور اس شق میں مناسب اصلاحات ناگزیر ہیں۔