سعودی سفیر کی خواجہ آصف سے ملاقات، دفاعی تعاون مضبوط بنانے کے عزم کا اعادہ

سعودی عرب کے سفیر ڈاکٹر راجح تامی البغامی نے وفاقی وزیر دفاع خواجہ محمد آصف سے ملاقات کی ہے، جس میں دونوں برادر ممالک کے درمیان باہمی دلچسپی کے امور اور دوطرفہ تعلقات پر تفصیلی تبادلہ خیال کیا گیا۔

وزارت دفاع کی جانب سے جاری کردہ تفصیلات کے مطابق ملاقات کے دوران پاکستان اور سعودی عرب کے مابین موجودہ دوطرفہ دفاعی تعاون کو مزید مضبوط بنانے اور دونوں برادر اسلامی ممالک کے تاریخی و دیرینہ تعلقات کو مزید فروغ دینے کے عزم پر کھل کر گفتگو کی گئی۔ اس موقع پر دونوں رہنماؤں نے دونوں ممالک کے درمیان اسٹریٹجک شراکت داری کو مزید گہرا اور نتیجہ خیز بنانے کے عزم کا اعادہ بھی کیا۔