جسٹس منیب اختر نے قائم مقام چیف جسٹس سپریم کورٹ کا حلف اٹھا لیا

سپریم کورٹ آف پاکستان کے سینئر ترین جج جسٹس منیب اختر نے قائم مقام چیف جسٹس آف پاکستان کے عہدے کا حلف اٹھا لیا ہے۔ سپریم کورٹ ججز بلاک میں منعقدہ حلف برداری کی تقریب میں جسٹس محمد علی مظہر نے ان سے عہدے کا حلف لیا، جبکہ تقریب میں فاضل ججز، لاء افسران اور عدالتی عملے نے شرکت کی۔ واضح رہے کہ چیف جسٹس آف پاکستان جسٹس یحییٰ آفریدی 27 اکتوبر سے 4 نومبر تک جنوبی کوریا کے سرکاری دورے پر موجود ہیں، جس کے باعث ان کی ملک میں عدم موجودگی کے دوران جسٹس منیب اختر قائم مقام چیف جسٹس کی آئینی و عدالتی ذمہ داریاں انجام دیں گے۔