سعودی ولی عہد کو قازقستان کے صدر کا تحریری مکتوب موصول

سعودی عرب کے ولی عہد اور وزیراعظم شہزادہ محمد بن سلمان کو قازقستان کے صدر قاسم جومارت توکایف کا ایک اہم تحریری مکتوب موصول ہوا ہے، جو دونوں ممالک کے درمیان دوطرفہ تعلقات اور تعاون کے فروغ سے متعلق ہے۔

عالمی میڈیا کی رپورٹس کے مطابق یہ خط قازقستان کے نائب وزیر خارجہ کی جانب سے سعودی نائب وزیر خارجہ انجینئر ولید الخریجی کے ساتھ ہونے والی ملاقات کے دوران باضابطہ طور پر حوالے کیا گیا۔ اس اعلیٰ سطحی ملاقات میں دونوں برادر ملکوں کے درمیان مختلف شعبوں میں تعلقات کا تفصیلی جائزہ لیا گیا، جبکہ باہمی دلچسپی کے امور اور علاقائی صورتحال پر بھی تبادلہ خیال کیا گیا۔ اس موقع پر مملکت میں قازقستان کے سفیر بھی موجود تھے۔