ملتان: زیرتعمیر عمارت کی چھت گرنے سے مزدور ملبے تلے دب گئے، ایک جاں بحق

ملتان میں ناردرن بائی پاس کے قریب ایک زیرِ تعمیر عمارت کی چھت اچانک گرنے کے نتیجے میں ایک مزدور جاں بحق جبکہ متعدد ملبے تلے دب گئے۔ ریسکیو حکام کے مطابق حادثے کے وقت موقع پر 8 مزدور کام کر رہے تھے۔ اطلاع ملتے ہی ریسکیو 1122 کی 10 گاڑیوں اور اہلکاروں نے موقع پر پہنچ کر ایمرجنسی امدادی آپریشن شروع کیا اور ملبے تلے سے 6 افراد کو نکال کر ہسپتال منتقل کر دیا ہے۔ باقی ماندہ مزدوروں کی تلاش کے لیے ریسکیو کارروائیاں جاری ہیں جبکہ جائے وقوعہ کو سیل کر کے واقعے کی تحقیقات شروع کر دی گئی ہیں۔