کوٹ ادو: 3 سالہ بچی سے مبینہ زیادتی کرنے والا سبزی فروش گرفتار

کوٹ ادو کے علاقے میں ایک انتہائی لرزہ خیز اور انسانیت سوز واقعے کے دوران 3 سالہ بچی سے مبینہ زیادتی کے الزام میں پولیس نے ایک شخص کو فوری کارروائی کرتے ہوئے گرفتار کر لیا ہے۔

پولیس کے مطابق ملزم علاقے میں سبزی کی ریڑھی لگانے کا کام کرتا تھا، جو معصوم بچی کو بہلا پھسلا کر اپنے ساتھ لے گیا اور اس گھناؤنے فعل کا نشانہ بنایا۔ واقعے کا مقدمہ تحصیل سرور شہید کے چک 571 ٹی ڈی اے میں متاثرہ بچی کے والد کی مدعیت میں درج کر لیا گیا ہے۔ ایف آئی آر کے متن کے مطابق بچی گھر سے کھیلنے کے لیے باہر نکلی تھی اور جب کافی دیر تک واپس نہ آئی تو والدین نے اس کی تلاش شروع کی۔ اس دوران ایک گھر کے باہر سے رونے کی آواز سنائی دی، جہاں مدعیِ مقدمہ کے پہنچنے پر ملزم بچی کو زیادتی کا نشانہ بنا رہا تھا، جو والدین کو اچانک دیکھ کر موقع سے فرار ہو گیا۔

دریں اثنا، وزیراعلیٰ پنجاب مریم نواز نے سوشل میڈیا پر گرفتار ملزم کی تصویر جاری کرتے ہوئے اس دل دہلا دینے والے واقعے کی شدید ترین الفاظ میں مذمت کی ہے۔ انہوں نے اپنے بیان میں کہا کہ اس شخص کی عمر اور اس کے گھناؤنے فعل کو دیکھ کر انتہائی صدمہ ہوتا ہے، یہ ایک دل دہلا دینے والا واقعہ ہے۔ وزیراعلیٰ نے بتایا کہ پولیس نے جدید سی سی ٹی وی فوٹیج کی بروقت مدد سے ملزم کو فوری طور پر ٹریک کرتے ہوئے صرف دو گھنٹے کے اندر گرفتار کر لیا