مصر کا دفاعی معاونت کیلئے اہم فیصلہ، سعودیہ کو فوجی امداد کی منظوری دیدی

عالمی خبر رساں ادارے ’رائٹرز‘ کے مطابق مصر کی پارلیمنٹ نے سعودی عرب کو دفاعی اور فوجی معاونت فراہم کرنے کے ایک اہم فیصلے کی باضابطہ منظوری دے دی ہے۔

سعودی عرب کی جانب سے کی جانے والی درخواست پر مصری صدر عبدالفتاح السیسی نے پارلیمنٹ سے اس فوجی امداد کی فراہمی کے لیے منظوری طلب کی تھی، جسے اب پارلیمانی توثیق حاصل ہو چکی ہے۔ اس توثیق کے بعد مصر باضابطہ طور پر سعودی عرب کو دفاعی فوجی معاونت فراہم کر سکے گا، جسے دونوں برادر ممالک کے درمیان بڑھتے ہوئے اسٹریٹجک اور عسکری تعاون کے تناظر میں انتہائی اہم پیش رفت قرار دیا جا رہا ہے۔