ایران کا آبنائے ہرمز اور خلیج فارس کے جزائر پر مکمل کنٹرول کا دعویٰ

ایرانی فوج کے سینئر عہدیدار میجر جنرل علی عبداللہی نے دعویٰ کیا ہے کہ اسٹریٹجک اہمیت کی حامل آبنائے ہرمز، خلیج فارس کے ساحلی علاقوں اور اہم جزائر کی سکیورٹی کو یقینی بناتے ہوئے انہیں مکمل نگرانی میں رکھا گیا ہے۔

میجر جنرل علی عبداللہی کے مطابق، ایرانی پاسدارانِ انقلاب کی بحری اور زمینی افواج خطے کے حالات پر مسلسل نظر رکھے ہوئے ہیں، اور آبنائے ہرمز سے گزرنے والی ہر قسم کی نقل و حرکت کی کڑی نگرانی کی جا رہی ہے۔ انہوں نے واضح کیا کہ خلیج فارس کے تمام ساحلوں اور جزائر پر پاسدارانِ انقلاب کا مکمل کنٹرول قائم ہے اور ملکی سمندری سرحدوں کے دفاع کے لیے تمام ضروری اقدامات اٹھائے گئے ہیں۔