ایرانی قوم بموں سے زیادہ طاقتور، دشمن اپنے مقاصد حاصل نہیں کرسکتا: ایرانی فوج

ایرانی فوج کے ڈپٹی چیف بریگیڈیئر جنرل علی رضا شیخ نے دشمن کی جانب سے کسی بھی ممکنہ مہم جوئی کا سخت جواب دینے کا اعلان کرتے ہوئے کہا ہے کہ ایرانی قوم بموں سے زیادہ طاقتور ہے اور بمباری کے ذریعے کسی تہذیب کو ختم نہیں کیا جا سکتا۔ انہوں نے واضح کیا کہ دشمن اپنے غاصبانہ مقاصد میں کبھی کامیاب نہیں ہو سکے گا اور اس کے حد سے بڑھے مطالبات کا جواب ایرانی عوام خود دیں گے۔ جنرل علی رضا شیخ نے مزید کہا کہ ایرانی مسلح افواج ہر وقت الرٹ اور مکمل تیاری کے ساتھ ‘ٹریگر پر انگلی’ رکھے ہوئے ہیں تاکہ ملک کو درپیش کسی بھی نوعیت کے سیکیورٹی خطرے کا فوری اور مؤژر جواب دیا جا سکے۔