اسرائیل کا انتخابات سے پہلے ایران پر حملے کا ارادہ نہیں: وزیر دفاع

اسرائیلی وزیرِ دفاع اسرائیل کاٹز نے واضح کیا ہے کہ اسرائیل کا انتخابات سے قبل ایران پر حملہ کرنے کا کوئی ارادہ نہیں، تاہم اگر ایران کی طرف سے پیش قدمی کی گئی تو بھرپور فوجی طاقت سے جواب دیا جائے گا۔ انہوں نے میڈیا میں گردش کرنے والی ان خبروں کی بھی تردید کی جن میں وزیراعظم نیتن یاہو اور فوج کے سربراہ ایال ضمیر کے درمیان ایرانی حکومت کا تختہ الٹنے کی ممکنہ کارروائی پر شدید اختلافات کا دعویٰ کیا گیا تھا۔ وزیرِ دفاع کے مطابق سیاسی اور عسکری قیادت کے درمیان مکمل ہم آہنگی موجود ہے اور فوج کو کارروائی کے حکم پر قانونی یا مشاورت کے حوالے سے کوئی تحفظات نہیں۔