ایران کیخلاف جنگ میں امریکا کو سٹریٹجک شکستوں کا سامنا ہے: پاسداران انقلاب

ایرانی پاسداران انقلاب کے ترجمان بریگیڈیئر جنرل حسین محبی نے ایک بیان میں کہا ہے کہ ایران کے خلاف جنگ میں امریکا کو بدترین اسٹریٹجک شکستوں کا سامنا کرنا پڑا ہے اور وہ ملک کا سیاسی نظام تبدیل کرنے یا ایران کو تقسیم کرنے میں مکمل طور پر ناکام رہا ہے۔ انہوں نے کہا کہ دشمن نے اپنے اہداف 13 حصوں میں تقسیم کیے تھے لیکن ایک بھی مقصد حاصل نہ کر سکا، جبکہ خطے میں موجود امریکی فوجی اڈے سکیورٹی کے بجائے عدم تحفظ کا سبب بن رہے ہیں۔ بریگیڈیئر جنرل حسین محبی کا مزید کہنا تھا کہ اس جنگ نے امریکی انٹیلی جنس کی برتری کے دعوؤں کے پول کھول دیے ہیں اور امریکی جنگی طیاروں و فضائی دفاعی نظام کو نشانہ بنائے جانے سے واشنگٹن کی عالمی ساکھ کو شدید نقصان پہنچا ہے