سعودی عرب نے ریاض کی جانب داغا گیا حوثی ملیشیا کا بیلسٹک میزائل تباہ کردیا

سعودی عرب کے فضائی دفاعی نظام نے دارالحکومت ریاض کو نشانہ بنانے کے لیے حوثی ملیشیا کی جانب سے داغا گیا بیلسٹک میزائل فضا میں ہی کامیابی سے تباہ کر دیا ہے۔ عرب اتحادی افواج کے ترجمان کرنل ترکی المالکی کے مطابق فضائی دفاعی نظام نے خطرے کو وقت پر ناکام بنایا۔ خبر ایجنسی کے مطابق حملے کے دوران ریاض میں دو زور دار دھماکوں کی آوازیں سنی گئیں جس کے بعد شہریوں کو موبائل فونز پر ہنگامی الرٹس موصول ہوئے۔ سعودی سول ڈیفنس کی جانب سے جاری کردہ فضائی خطرے کا الرٹ میزائل حملہ ناکام بنائے جانے کے بعد باقاعدہ واپس لے لیا گیا ہے۔